دجاج برياني لذيذ

برياني دجاج لذيذ بالمرررررررررررة

المقادير مع الطريقة ..

1_ تقطعين اربع بصل وتقطعينهم شرائح وتقلينهم الى ما تصير ذهبية
وترفعينا على جنب..

2_تكوني مجهزة دجاجة مقطعة أربع قطع وشايلة الجلد و
مغسولة زين وتحطيهم على الزيت الي بالقدر الي هو اصلاً بعد البصل
وتخلينه الى ان يبقى على زيته يعني ينشف مايه ..

3_بعدين تضيفي الطماطم انا حاطة حبة كبيرة مقطعة صغار وملعقة كبيرة صلصة وتخليها الى ان تتسبك تمااام ومكعب ماجي

4_تضيفي نصف علبة زبادي وكزبره مقطعه صغيرة وبهارات البرياني

وتخليها تتسبك زين ..

5_الحين تضيفي البصل الي رفعناه بالبداية وتقلبي وتضبِِط الملح

6_ وبعدين غطي القدر وخلي الدجاج الى ان يقارب على الاستواء وطفي عنه وخليه على جنب هو راح يكون فيه شويه ماء..

7_ الان تسوي الرز بقدر وحده وتكوني قبلها ناقعته وتخليه الى ان يستوي

8_ اذا نضج الرز وصفيته تضيفيه على الدجاج وضعي عليه الزعفران المنقوع بشوية ماء

9_غطي القدر وخليه على نار هادية الى ان يتنشف تطلع ريحته جناااااااااان..

وبالهناء و الصحة ..

يسلمو خيتو على الطبخة
شكله لذيذة اممممم
تحياتي